Нова книга од Тавор – издавачка дејност на Кумановско-осоговската епархија: Првенството на Константинопол. Факти против митовите

Книгата Првенството на Константинопол. Факти против митовите е посветена на проблемот на современите меѓуцрковни односи, на политиката на Константинополската патријаршија која претендира на посебен статус меѓу помесните православни цркви. Преку историско-канонска анализа се демонстрира неоснованоста на претензиите од Фанар на особени права на „лидер на светското Православие“, нивната противречност со духот и буквата на каноните, а и со црковното устројство што потекнува од Господ Исус Христос и апостолите.

Содржина:

• Канонскиот статус на Константинопол и неговата интерпретација во Византија
• Права на ставропигија: црковната традиција и претензиите на Фанар
• Размислувања за правилникот на „Светиот и велик собор“, назначен за Педесетница, 2016 г. 
• За вистинската и лажната соборност. Каде води еклисиологијата на критскиот „Велик собор“? 
• Разбирањето на „вселенскоста“ во православната традиција 
• Вселенски патријарх: историја на една титула
• Хрестоматија (зборник на канони)

Автор: Павел Владимирович Кузенков (роден во 1969 г.) e специјалист во областа на црковната историја, на историјата на Византија и Русија, на историската хронологија. Дипломирал на Московскиот државен технички универзитет Н.Е. Бауман (1992 г.) и на Историско-филолошкиот факултет на Рускиот православен институт Св. Јован Богослов (1999 г.). Кандидат на историски науки (аналогно на научната титула магистер). Носител е на Макариевска награда. Предавал на Московскиот државен универзитет М.В. Ломоносов, на Московската духовна академија, на Сретенската духовна академија, на Православниот хуманитарен универзитет Свети Тихон, на Школата за општоцрковни постдипломски и докторски студии Св. рамноапостолни Кирил и Методиј.

Нарачка: https://koe.mk/knigi/